Hidroizolimi nënujor sfidë inxhinierike, projekti në Ksamil (hidroizolim Xypex )

Ing.Ark. Albert Tatari

Ky projekt ndodhet në Ksamil, Sarandë, dhe konsiston në ndërtimin e një godine hoteliere 4-katëshe me 2 kate nëntokësore, me një sipërfaqe bodrumi prej 1200 m². Pozicionimi shumë pranë vijës bregdetare solli sfida të veçanta inxhinierike, për shkak të kushteve të vështira të terrenit dhe nivelit të lartë të ujërave nëntokësore.

Sfidat teknike

Gjatë fazës së gërmimit, sapo u arrit një thellësi prej vetëm 1 metri, filloi të shfaqej ujë i kripur. Thellësia përfundimtare e themelit shkoi deri në 5.5 metra nën nivelin e detit, duke e rritur ndjeshëm prurjen dhe presionin hidrostatik të ujit të kripur në vendin e punimeve.

Zgjidhja: Sistemi hidroizolues Xypex

Përballë këtyre kushteve ekstreme, u vendos përdorimi i teknologjisë Xypex, me rekomandimin dhe mbikëqyrjen e Distributor zyrtar I Xypex  Msc.Ark.  Albert Tatari, ekspert në hidroizolime të thella. Sistemi Xypex ofron një mbrojtje efektive dhe afatgjatë ndaj penetrimit të ujit përmes kristalizimit brenda masës së betonit.

Procesi i zbatimit

·         Dekantimi i ujit: U instaluan pompa të fuqishme me kapacitet deri në 650 litra/sekondë për të mundësuar tharjen e bazamentit gjatë punimeve.

·         Betonimi i strukturës: U hodh beton me Xypex Admix C-1000 NF direkt në pikën e prodhimit, për hidroizolim të pllakës dhe mureve perimetrale.

·         Mbyllja e pikave kritike: U përdorën Xypex Concentrate dhe Patch’n Plug për izolimin e distancierëve dhe trajtimin e mikrokrisjeve.

·         Izolimi i nyjeve: U aplikuan Waterstop Manorteq HidroBar Original në nyjet horizontale dhe vertikale për të parandaluar depërtimet në pikat e ndërlidhjes së elementëve strukturorë.

Rezultatet

Pas përfundimit të punimeve, edhe pse kati i -2 ndodhet 5.5 metra nën nivelin e detit, ai rezulton plotësisht i thatë dhe pa asnjë shenjë lagështie. Edhe pasi u fikën pompat, ndërtesa mbeti e mbrojtur, duke provuar efektivitetin e sistemit Xypex në kushte ekstreme hidrostatike.

Pasi gërmuan 1 m nga siperfaqja e tokës, filloi të dilte uje I kripur, shkak sepse bodrumi ishte poshtë nivelit të detit

Betonimi I Pllakës me Xypex

Vendosja e Waterstop-eve horizontal dhe vertical

Hedhja  e kristaleve te pika e prodhimit te betonit

Betonimi I mureve perimetrale me kristale

Stukimi I distanciereve me Xypex Concentrate and Patch’n Plug

Kati -2  bodrum I cili rezulton I thatë dhe pa lageshtirë duke qenë 5.5 metra nën ujë deti

Pompat janë fikur, bodrumi është I thatë ndërkohe që godina ka ujë nga jashtë