Shumica e europianëve pesimistë për të ardhmen

Në dekadat pas shkatërrimit dhe Luftës së Dytë Botërore, themeluesit e asaj që do të bëhej Bashkimi Evropian kërkuan të ndërtojnë një Evropë të re, "një bashkim gjithnjë e më të ngushtë" të lidhur së bashku përmes integrimit ekonomik dhe politik, si dhe një grup të përbashkët vlerash.

Pavarësisht trazirave të shoqëruara me ngjarje të tilla si kriza evropiane e borxheve, fluksin e madh të refugjatve dhe çështjes së Brexit, evropianët vazhdojnë të besojnë se BE është krijuar për qëllime fisnike.

Në 10 vendet evropiane të anketuar së fundmi nga Pew Research Center, një mesatare prej 74%, thonë se BE promovon paqen dhe shumica gjithashtu mendojnë se promovon vlera demokratike dhe prosperitet.

Sidoqoftë, evropianët gjithashtu priren ta përshkruajnë Brukselin si joefikas dhe ndërhyrës, dhe posaçërisht ata besojnë se BE nuk është në kontakt - një mesatar prej 62% thonë se nuk i kupton nevojat e qytetarëve të saj.

Shumë njerëz janë gjithashtu të shqetësuar për të ardhmen ekonomike. Në këto 10 kombe, një mesatare prej 58% besojnë se kur fëmijët në vendin e tyre të rriten, ata do të jenë më keq financiarisht se prindërit e tyre; vetëm 30% mendojnë se do të jenë më mirë.

Ekzistojnë gjithashtu shqetësime të forta në lidhje me emigracionin në disa vende. Shumica e qytetarëve të BE-së duan më pak emigrantë të lejuar në vendin e tyre. Shumë besojnë se emigrantët kanë tendencë të qëndrojnë të dallueshëm nga kultura më e gjerë dhe se emigrimi rrit rrezikun e terrorizmit.