Alexis Sanchez: Interi optimist për nënshkrimin e sulmuesit të Manchester United në huazim.

Interi mbetet optimist se ata mund të negociojnë një marrëveshje huazimi me Manchester United për Alexis Sanchez.

Bisedimet mes dy klubeve po vazhdojnë për një huazim sezonal, marrëveshje e cila do t'i kushtojë klubit të Serie A afërsisht 11 milion paund,

Sipas Sky në Itali. 30-vjeçari u bashkua me United nga Arsenali në Janar 2018 si pjesë e një marrëveshje këmbimi për Henrikh Mkhitaryan por ka shënuar vetëm tre gola në 32 paraqitje në Premier League që nga largimi i tij nga veriu i Londrës. Sanchez është përfolur për një largim të mundshëm nga Old Trafford gjatë gjithë verës, pasi nuk duket se është pjesë e planeve të trajnerit Solskjaer për sezonin e ri.

Sidoqoftë, sulmuesi i United Anthony Martial pësoi një dëmtim të kofshës në humbjen 2-1 ndaj Crystal Palace, dëmtim i cili do të vlerësohet më tej të martën, por Interi shpreson se kjo nuk do të rrezikojë marrëveshjen.

Kiliani, i cili ka 130 paraqitje me fanellën e kombëtarës së tij, tërhoqi vëmendjen gjatë verës në Copa America, pasi Kili arriti në gjysmëfinale, por pësoi një dëmtim në play-off të vendit të tretë. Një lojtar që tashmë ka bërë kalimin nga Manchester në Milano këtë verë është Romelu Lukaku, i cili shënoi në debutimin e tij në Serie A në fitoren 4-0 ndaj Lecce të hënën.

Burimi: Sky Sports