Konispol

Poezi nga poeti Hekuran Halili

---

Konispol

Këtu,

kujtimet më dalin para nga çdo plasë guri,

dhe më pështjellin heshtazi e ngrohtë...

Këtu,

malli për ata që janë dhe për ata që s’janë më,

më del nga shtrati i shpirtit dhe,

të dhjetë përrenjtë e këtij vendi,

i mbush deri në harbim..

.

Këtu,

nuk ka më kufi mes dheut e qiellit.

Nga sheshi ku rri, zgjas dorën si perëndi,

mbaj diellin të mos bjerë në perëndim,

që kjo mbrekulli , të mos mbarojë...

Këtu,

çdo gjë më mbush e më lumturon deri në pa mbarim...

Ç’ka më rrok syri e puth, e mbledh në gji,

me vete e marr...

Këtu ,

e gjithë qënia ime si bard nis t’më këndojë,

Konispol, Konispol, Konispol