Lionel Messi fiton çmimin ‘The Best’ nga FIFA

Lionel Messi u shpall lojtari më i mirë i vitit nga FIFA në mbrëmjen që u zhvillua në Milano të Italisë.

Eshtë hera e gjashtë që Messi është votuar si lojtari më i mirë në botë, perkatesisht në 2009, 2010, 2011, 2012, 2015 dhe se fundmi 2019.

Ja cilat jane 17 argumentat përse 34-vjeçari e meritoi ta fitonte çmimin e lojtarit të vitit nga shtëpia e futbollit botëror:

1. Fitoi titullin e La Ligës dhe Superkupën e Spanjës

Pasi fitoi dy tituj të tjerë sezonin e kaluar, Messi tani ka gjithsej 34 tituj, duke e vendosur atë të vetëm në krye të historisë së Barcelonës.

2. Golashënuesi më i mirë në La Liga

Messi shënoi 36 gola në 34 paraqitjet në ligë sezonin e kaluar për të udhëhequr Barçën në kampionatin e tyre të 26-të të La Ligës, dhe fitoi për të tretën herë me radhë cmimin Pichichin dhe për të gjashtin herë në karrierën e tij.

3. Fitues i Këpucës së Artë

Messi gjithashtu fitoi Këpucën e Artë si golashënuesi më i mirë në Evropë për sezonin e tretë me radhë dhe të gjashtin në karrierën e tij.

4. Golashënuesi më i mirë në Ligën e Kampionëve

Messi shënoi 12 gola në vetëm 10 ndeshje, duke e bërë këtë për herë të gjashtë në karrierën e tij.

5. Goli i 600-të te Barça

Messi jo vetëm që arriti një moment historik pothuajse të paarritshëm, por ai theu edhe rekordin e tij të të gjitha kohërave për shënimin e golave me klubin.

6. Më së shumti gola të shënuar nga gjuajtjet e lira në Evropë

Leo Messi shënoi gjashtë gola nga gjuajtja e lirë në sezonin 2018-19, më shumë se çdo lojtar tjetër në ligat kryesore si të Spanjës, Francës, Italisë, Gjermanisë dhe Anglisë. Totali shkon në tetë gola nëse llogaritni dy golat me goditje të drejtpërdrejtë të Messit të shënuar në Ligën e Kampionëve.

7 Goli i 400-të në La Liga

Jo vetëm kaq, Messi u bë lojtari i parë që arriti ndonjëherë të shënojë 400 gola në kategorinë e parë spanjolle.

8. 50+ gola për herë të gjashtë në karrierë

Në të gjitha garat, Messi shënoi 51 gola në 50 ndeshje, duke arritur këtë gjë për herë të gjashtë. Ndarja: 36 në La Liga; 12 në Ligën e Kampionëve; 3 në Copa del Rey.

9. Vendos rekord për më së shumti fitore në historinë e La Liga

Messi tejkaloi rekordin e fitoreve të ish-portierit të Real Madridit, Iker Casillas për t’u bërë lideri i të gjitha kohërave në.

10. Rekord për më së shumti fitore në historinë e Barçës

Messi kaloi Xavi dhe mori fitoren e tij të 477-të në të gjitha garat, më së shumti në historinë e klubit, me një performancë të shkëlqyeshme – përfshirë hat-trikun! – në përballjen kundër Real Betisit.

11. Rekordi te Barça për më së shumti titujt të fituar të La Ligës

Titulli i 10-të në karrierën e Messit në La Liga është më më së shumti në historinë e klubit dhe e lë atë mbrapa vetëm dy tituj pasë Francisco Gento (Real Madrid, 1953-1971) 12-të më së shumti në të gjitha kohërat.

12. Asistuesi më i mirë në La Liga

Përveçse se ishte golashënuesi më i mirë i ligës, Messi gjithashtu drejtoi garën në asistime me 13, duke e bërë atë asistuesin më të mirë në La Liga me Pablo Sarabia të Sevilla.

13. Medalja e bronztë në Kupën e Amerikës

Messi e çoi Argjentinën në gjysmëfinalen e Kupën e Amerikës, ku ata humbën nga Brazil, përpara se të fitonin ndeshjen e vendit të tretë kundër Kilit.

14. 20+ gola në 11 sezone radhazi në La Liga

Messi është lojtari i vetëm që ka arritur ndonjëherë ato shifra. Ai tani ka tejkaluar 20 gola çdo sezon të vetëm që nga 2008-09.

15. 50+ të shënuar në Kupën e Mbretit

Tre golat e Messit të shënuar në Kupën e Mbretit në sezonin e kaluar e çuan në 51 në përgjithësi, i dyti në historinë e klubit, pas vetëm Josep Samitier (1919-1932), i cili mban rekordin me 64.

16. 50+ tre-golesha

Tre golat e Messit në Sevilla sezonin e kaluar i dhanë atij hat-trikun e 50-të: 44 për Barçan dhe gjashtë për Kombëtaren e Argjentinës.

17. Lojtari i parë që shënoi në gjashtë finale të ndryshme të Kupën e Mbretit

Goli i Messit kundër Valencias e vendosi atë në një ligë në vete, megjithëse finalja e sezonit të kaluar në Kupën e Mbretit ishte e para në të cilën një gol i Messit nuk u shoqërua me një fitore të Barçës.