Revista “Klubi i fëmijëve”

Prej kohësh po mendoja për mënyra të ndryshme si e si fëmijët të argëtohen dhe të jenë të angazhuar një pjesë të madhe të kohës me gjëra me vlerë. Kohët e fundit edhe për shkak të pandemisë fëmijët po ekspozohen edhe më shumë orë para ekranit. Ndaj në lidhje me këtë mendova të sjell më një revistë online.

Nëse fëmijët e kanë një kohë dedikuar internetit, le të fokusohen duke shfletuar revistën dhe të njihen me bashkëmoshatarët e tyre të cilët kanë talente të ndryshme dhe të investojnë tek këto talente që i përkasin botës së tyre. Kjo është një lloj nxitje shumë e mirë dhe e këndshme që do të vijojë zinxhir edhe për shumë vogëlushë të tjerë që do të kenë dëshirë që herën tjetër të jenë ata pjesë e revistës.

Revista do të publikohet çdo muaj dhe janë të ftuar të gjithë prindërit nëse duan të angazhojnë fëmijët e tyre nga mosha 3-10 vjeç.

Rubrikat ku mund të marrin pjesë janë:

-Art (vizatim, pikturë, craft)

-Kuzhinë (gatim, receta të shëndetshme)

- Sport (Këshilla për shëndetin fizik dhe momente gjatë këtyre aktiviteteve)

- Letërsi (poezi, prozë)

- Shkencë (Eksperimente të ndryshme të thjeshta)

Megjithatë fëmijët mund të sugjerojnë edhe shumë tema apo fusha të tjera që nuk janë listuar sepse ata kanë më shumë fantazi dhe kreativitet.