Nga Shalësi drejt OKB-së, çështja e çamëve
- miremengjes.net
- Aug 5
- 2 min read
Nga: miremengjes.net:
Në fund të shtatorit 1944 në fshatin Shalës, afër Konispolit u mblodhën shqiptarë të emigruar që ishin nga Çamëria dge të dëbuar me plagë të freskëta.
Ishin çamët e përndjekur nga shtëpitë e tyre në Çamëri të mbijetuar të një spastrimi etnik brutal, që kishin humbur gjithçka: familje, shtëpi, toka dhe kujtime.
Në heshtje të rëndë, ata ngritën zërin.
Për herë të parë, zëri i tyre nuk ishte një ankesë, por një kërkesë: drejtësi.
Në atë mbledhje u themelua Komiteti Anti-Fashist i Çamëve në Mërgim, dhe aty u përgatit një dokument që do ti dërgohej OKB-së për të treguar botës dhimbjen e një populli të tërë .
Disa nga figurat që morën pjesë ishin: Ali Demi, Tahit Demi, Taho Sejko, Dervish Dojaka, Hilmi Dervishi...ETJ
Një thirrje për drejtësi nëpërmjet fakteve dhe dhimbjes
“Zëri ynë u ngrit me vendosmëri kundër okupatorit dhe barbarëve të regjimit fashisto-monarkist grek, që përndoqën popullin tonë dhe dogjën fshatrat tona.”
Kështu për herë të parë u dërgua memorandumi për Çamërinë më 25 tetor 1946 pranë Kombeve të Bashkuara. Në të kishte fakte të tilla si:
2,771 çamë të vrarë
68 fshatra të shkatërruar
5,800 shtëpi të djegura
110,000 dele, 2,400 lopë dhe tonelata me grurë e vaj të grabitur
Ky nuk ishte një dokument i zakonshëm. Ishte aktakuza morale dhe historike që populli çam bënte me fakte konkrete dhe kërkesa.
Kujtesa që kërkon të kthehet në të drejtë
Konferenca e Shalës-it nuk ishte vetëm një akt politik. Ishte një thirrje nga thellësia e dhimbjes njerëzore, një mënyrë për të mos e lejuar heshtjen të kthehej në harresë.
Çamët nuk kërkuan hakmarrje, përkundrazi. Ata kërkuan të drejtën për t’u kthyer në shtëpi, për të rivendosur pronat e tyre, për të dënuar ata që ishin përgjegjës për masakrat dhe, më e rëndësishmja, për të mos u fshirë nga historia.
Konferenca e Shalës-it mbetet një dëshmi se çamët zgjodhën rrugën e ligjit, të kujtesës dhe të ndërgjegjes historike.
📌 Ky artikull sjell një nga kapitujt më të rëndësishëm të historisë moderne shqiptare. Jo vetëm si dëshmi, por si frymëzim për të mos e lënë të kaluarën në harresë.
🖋️ Përgatiti: Redaksia e miremengjes.net📚
Burime: Wikipedia, Memorie.al, Kujto.al, Komiteti Anti-Fashist i Çamëve në Mërgim
Comments